Comentarios de Éche o que hai

Comentario en Pechado (provisionalmente) por exceso de traballo de A. Núñez Rajoy

A. Núñez Rajoy — Sat, 26 Dec 2009 23:19:52 +0000

Descanse que estaremos a espera. Disfrute destes días e ollo co sal do marisco. Boa entrada no 2010

Comentario en Pechado (provisionalmente) por exceso de traballo de F. Míguez

F. Míguez — Tue, 22 Dec 2009 07:02:14 +0000

Tranquilo xefe, que a parroquia quédalle aquí, agardando como as mulleres dos mariñeiros.
¡Boas festas!

Comentario en Pechado (provisionalmente) por exceso de traballo de Alfonso Pardo

Alfonso Pardo — Mon, 21 Dec 2009 19:49:47 +0000

Me cagho en tal,fai vostede ben en pechar o chiringo que os lectores somos moi ingratos e mellor ir ó positivo.Abríguese e a modo que no 2010 esperamos moitos artigos.

E eu non aturo o Nadal así que FELIZ ANINOVO!

Comentario en Pechado (provisionalmente) por exceso de traballo de Miguel Vila (Colineta)

Miguel Vila (Colineta) — Mon, 21 Dec 2009 19:48:02 +0000

Ollo, non se me distraiga máis tempo da conta. Felices.

Comentario en Artificiais, naturalmente (I) de Alfonso Pardo

Alfonso Pardo — Mon, 21 Dec 2009 19:44:26 +0000

Moi boa a súa explicación da RV.E que a min,lendo outras críticas,quítanseme as ganas de ser progre.Entendo que a moita xente gústenlle ben os talibáns e non poidan coa ciencia nin coa razón crítica,pero que non se autodenominen progresistas.Así que moi ben iso de mirar o que se mellorou,o que non se mellorou e a quen lle aproveitou o conto.

Estou aínda cabreado porque o outro día vin un documental cubano onde os meus pobres dicían que tiñan unha agricultura orgánica exemplar.Resulta que antes do final da URSS eran os que máis fertilizantes e pesticidas botaban,quedaron sen cartos e non poderon botar nada.Daba moita pena ver a fame que pasaban mentres o agrónomo-comisario político-iluminado falaba de grandes progresos….

Comentario en Artificiais, naturalmente (I) de eSedidió

eSedidió — Mon, 21 Dec 2009 09:06:45 +0000

Pois pola miña parte vai seguir sen ter esa oportunidade, tendo en conta que estou basicamente de acordo. De todos modos veremos se nas vindeiras entregas son capaz de actuar de agent provocateur e insistir no tema.

Comentario en Artificiais, naturalmente (I) de F. Míguez

F. Míguez — Mon, 21 Dec 2009 07:17:19 +0000

Ai, que me da vostede nunha materia que me poño filosófico profundo.
Ó meu entender, a nivel científico e técnico hai dous problemas.
O primeiro é que non nos percatamos de que ignoramos bastante máis do que sabemos; somos capaces de facer pontes e curar gripes con unha porcentaxe de éxito bastante elevada e xa pensamos que esa capacidade é escalable hasta o absoluto… e vai ser que non, que aínda nos falla moito que saber para pensar que podemos facer todo o que nos pete sen estar a enganarnos nas decicisións, tal vez non en todo, pero sempre hai algún detalle que nos pode estar a gardar unha mala sorpresa no futuro. ¿Significa isto que hai que manter as mans nos petos? Non. Significa que deberíamos ser un pouco máis humildes e traballar só en escalas que poidamos controlar, ou cuias consecuencias en caso dun virtual erro non sexan catastróficas, como puido ser poñerse a enredar con toda a comida do mundo. Nese senso, tamén debemos recoñecer que unha boa parte do problema está na ambición de outros, non científicos nin técnicos, que non teñen reparo ningún en querer escalar varias veces os seus patrimonios a costa de correr máis que o sentido común no desenvolvemento de certas actividades, con culpa so parcial do personal técnico, dependente deste capital como fonte de salarios.
O segundo problema, independiente do anterior, é a desconexión coa realidade. E explico con un exemplo: eu sonlle un grande detractor, entre outras cousas, do Large Hadron Collider; non porque me preocupe que vaia provocar a fin do mundo, senón porque o vexo fora de lugar. Levamos aproximadamente quince décadas de evolución exponencial do coñecemento científico e cabe preguntarse se realmente ese coñecemento repercutiu positivamente na humanidade. A priori, abofé que si; so co que supuxo o desenvolvemento dos antibióticos para a esperanza de vida, ou coa posibilidade de prever catástrofes mediante a meteoroloxía xa poderíamos darnos por contentos pero… ¿De verdade é o mundo mellor agora que hai 150 anos? ¿Correspóndese a evolución social coa evolución tecnolóxica? É certo que o reparto da riqueza non é un problema científico, aínda que non estou totalmente de acordo con esa afirmación, pero paréceme un tanto inmoral empeñarse en liñas de investigación das que probablemente algún día se obteñan coñecementos importantísimos para a humanidade, pero que non resolven ningún dos problemas máis urxentes que hai na axenda, e que requiren de medios económicos e humanos a veces máis modestos que a inversión precisa para o LHC, para seguir co exemplo. Dito doutro xeito, que os formadores deberían de ter máis coidado á hora de guiar a futuros investigadores para que orienten as súas carreiras cara materias máis próximas ós problemas da humanidade, sen deixarse seducir tanto por campos de complexidade tentadora pero de pouco interés dende a perspectiva dun mundo con 2.000 millóns de desnutridos.
O que eu lle diga, que me saca vostede uns temas que me perden, e sobre os que non teño moita oportunidade de polemizar.

Comentario en Artificiais, naturalmente (I) de eSedidió

eSedidió — Fri, 18 Dec 2009 09:05:59 +0000

Hehehe…. é que a combinación hippy, anarquista, ecolóxico, troglodita e portugués ten que ser perigosa de carallo para a saúde…. e menos mal que era no algarve e non en tras os montes… polo menos sairía vostede moreno.

O da paciencia ía porque xa sabe como son, e a miña tendencia a eternizar os artigos. Penso que na entrega 3 falaremos diso, pero adiántolle un par de cousas, que o vexo impaciente: unha, que a agricultura ecolóxica non é, como a acusan algúns, cousa de hippies, senón que é bastante máis seria. E dúas, que nin a AE nin ningunha outra ten as chaves para garantir o abastecemento de alimentos ao mundo. Esa é máis ben a tarefa dos políticos, se tivesen vontade, que medios hai.

Comentario en Artificiais, naturalmente (I) de alvarez

alvarez — Fri, 18 Dec 2009 07:57:42 +0000

Paciencia para esperar a sua resposta ou a de alguen, (por favor preferiblemente con coñecementos empíricos como vostede sobre o asunto) xa levo esperando unha recua de anos.

Comentareille que no ano 1978 asistin a uns cursiños (por chamarlle algo) sobre agricultura ecolóxica nunha especie de comuna anarquista no remoto, daquela, Algarve. E de ahi comenzou o meu interes, os meus convencimentos e as miñas inmensas dúbidas, a mais da famiña que pasei estando uns cinco días a base de pan centeo e dos frutos das maceiras e moreiras.
¡Xuventú!

Comentario en Artificiais, naturalmente (I) de eSedidió

eSedidió — Thu, 17 Dec 2009 17:48:19 +0000

Practique vostede a cristiá virtude da paciencia, Sr. álvarez. Xa sabe, bienaventurados os que confían en Caixanova……